Pinasingkedan ti Commission on Elections nga innem a pulo ket innem kadagiti 183 a senatorial aspirant a nangipila iti certificates of candidacy (COC) ti maibilang a lehitimo a kandidato a mairaman ti naganda iti balota.
Dagiti nabati a 117 nga aspirant a senador ket dumalan pay laeng iti kanayonan nga evaluation ti commission.
43,033 a COC ti naawat ti Comelec manipud iti national ken local a posision iti intero a pagilian.
Kadagiti nangipasa iti COC-da, 183 ti agkandidato a senador idinto a 190 iti party-list seat.
Segun ken ni Garcia nga iti las-ud ti dua agingga iti tallo a lawas kalpasan ti COC filing period, i-post ti Comelec iti website-da ti listaan dagiti amin a nangipila iti COC-da para iti 2025 elections para iti public scrutiny.
Manamnama a mairuar iti opisial a listaan dagiti agkandidato sakbay ti panagleppas ti Nobiembre.
