12 a pulis a nairaman iti kaso dagiti mapukpukaw a sabungero, napilaanen iti kaso

Nakasapul ti National Police Commission iti probable cause kontra kadagiti sangapulo ket dua a pulis a napabsul a Karaman iti kaso dagiti mapukpukaw a sabungero.

Karaman kadagiti sangapulo ket dua a pulis dagiti tallo nga opisial ken siam a non-commissioned officers a napilaanen iti kaso nga administratibo.

Dagitoy a kaso ket para iti grave misconduct, irregular performance of duty, ken conduct unbecoming of a police officer.

Segun ken ni NAPOLCOM Investigation and Monitoring director Edman Pares, ti findings ket maibasar iti affidavit ti whistleblower a ni Julie ‘Dondon’ Patidongan.