VIGAN CITY- Nagsagrap ti litem iti nadumaduma a paset ti bagi na ti ubing nga agtawen iti maysa a poun iti nakatayanna gapu iti mapapati a panangmaltrato kenkuana iti ag-sioman kenkuna idiay Brgy. Poro, Magsingal , Ilocos Sur.
Nabigbig ti suspek a ni Basilio Tiqui, 23 at taga Sitio Las-ud iti nasao a lugar.
Iti pannakaiuman ti Bombo Radyo Vigan kenni P/Insp. Arcadio Viloria, hepe ti Magsingal, ti mismo anak ti suspek nga agtawen ti uppat iti nangibaga a dinanog ken sinikilt ti ama na ti kabsat na.
Segun kenni Viloria , inaklon ti suspek a nadangran na a naminsan iti anak na ngem saan na a minaltrato ngem baliktad daytoy iti inbaga ti attending phyisician ti Magsingal District Hospital a tallo agingga uppat nga aldawen dagiti litem.
Naammuan nga anak ni Krisitina ti ubing manipud iti sabali a lalaki idi nagsina da iti suspek tallo a tawenen iti napalabas ket nagtalinaed isuna idiay Abra.
Nupay kasta nagsinnublianan ket intugot na iti anak na nga isun iti nagrugian iti panagmaltrato.
Addan iti kustodiya ti pulisya ti suspek ket maisagsaganan ti kaso a murder in relation to child abuse kontra kenkuana.
