1 a pulis, karaman kadagiti 18 a natay iti pannakalmed ti RoRo vessel

Maysa a pulis ti karaman kadagiti 18 a natay iti pannakalmed ti RoRo vessel nga M/V Trisha Kerstin 3 idiay Basilan, segun iti Philippine National Police.

Segun iti PNP, ti natay a pulis ket manipud iti Regional Mobile Division Unit 9.

Inkari met ti kapulisan nga itedda ti buo a suportada kadagiti naulila a pamilia.

Kabayatanna, 13 a pulis ti nakalasat agraman ti siam manipud iti 905^th ken 903^rd Maneuver Companies ti Regional Mobile Force Battalion 9 ken uppat manipud iti Regional Emergency Unit and Rescue Unit 9.