Nangurnos ti Philippine Statistics Authority kabinnuligda ti Provincial Government of Ilocos Sur iti 2022-2024 Provincial Product Accounts Dissemination Forum iti Provincial Farmers Livelihood Development Center.
Gagem ti addang a maiplastar ti kaudian nga economic performance ken trends.
Dagiti attendees ket pakairamanan ti dignitaries manipud iti PSA Regional Statistical Services Office 1, kas ti Regional Director Shiela De Guzman, ken manipud iti provincial government of Ilocos Sur nga idaulwan ni Governor Jerry Singson.
Nakipaset pay dagiti nadumaduma nga stakeholder agraman dagiti heads wenno representative manipud iti national government agencies kas ti Department of Labor and Employment (DOLE), Technical Education and Skills Development Authority (TESDA), ken ti Department of the Interior and Local Government (DILG).
Dimmar-ay pay dagiti mangibagi iti nadumaduma nga academia agraman ti Ilocos Sur Community College, media, private firms, ken local government units kas ti Cervantes, Magsingal, Narvacan, Santa Catalina, Santa Maria, Santo Domingo, Sinait, Suyo, Banayoyo, ken Vigan City.
Bayat ti forum, nakagun-od ti Ilocos Sur iti 5.6 percent growth iti Gross Domestic Product para iti 2024 no yarig iti 2023.
Ti met Financial and Insurance activities sector ket nakairekord iti kapaspasan a panagdur-as iti 17.3 percent, sarunwen ti Professional and Business Services a 13.1 percent ken Accommodation and Food Services nga 11.7 percent.
Kabayatanna, ti met Agriculture, Forestry, ken Fishing sector ket nakapadas iti panagbaba a 2.2 percent.
Naited met ti plaques of recognition kadagiti outstanding LGU gapu iti data compliance.
