Insingasing ni House Deputy Speaker ken Trade Union Congress of the Philippines Partylist Rep. Raymond Democrito Mendoza a saan nga ikkatan iti buwis ti sueldo a P50,000 agpababa.
Nakailanad daytoy iti impila ni Mendoza a House Bill No 8860 wenno ti Patas na Ambag sa Tax para sa Angat-Sahod Act a ti gagemna ket ingato iti agingga P600,000 kada tawen ti income tax exemption dagiti lower middle-income earner.
Segun ken ni Mendoza, ti mapukaw a koleksion ditoy ket abruten iti buwis a maipatpataw kadagiti bilyonaryo ken dadakkel ti pastrekna a kompania ti langis ken enerhia iti salinong ti gakat a Solidarity Wealth Tax.
Babaen iti gakat, mapatawan iti 1-3 percent tax dagiti bilyonaryo iti pagilian, idinto a 15-35 percent windfall profits tax met ti masingir kadagiti dakkel a kompania iti sektor ti langis ken enerhia.
