Target dagiti health professional a magun-od ti zero dengue-related deaths inton 2030 babaen ti napainget nga addang iti panagliklik ken panag-aprobar ti bakuna.
Inkalintegan ti Philippine Medical Association a paset ti Empowering Networks to Defeat Dengue coalition ti addang kas panagrambak ti umuna nga anibersaryo ti grupo.
Segun ken ni PMA president Dr. Hector Santos, agkasapulan ti nainginget a vector control, nasapa a diagnosis, husto a panagiwaras ti impormasion ken panag-aprobar ti baro nga henerasion ti dengue vaccine tapno magun-od ti zero deaths.
Kinarit pay ni Santos dagiti lokal a gobierno ken komunidad a pagtalinaeden a nadalus ti aglawlaw ken ikkaten dagiti naurnong a danum a mabalin a pagumokan ti lamok.
Kabayatanna, pinasingkedan met ni Dr. Lulu Bravo ti kinapateg ti maysa a comprehensive approach iti panangliklik ti dengue ken ti akem ti bakuna.
