Nangipila ti agtutuon a kaso iti Office of the Ombudsman kontra kada Uswag Ilonggo Representative Jojo Ang Jr., dati nga Ako Bicol Representative Zaldy Co, negosyante a ni Alfonso Tan, ken dagiti opisyal ti Sunwest Inc., International Builders Corp., J.E. Tico Construction Company, Allencon Development Corp., ken A.M. Oreta & Company.
Ti lima nga agsisina a reklamo ket impila ti Amlig Antique Alliance, maysa a coalition dagiti environmental advocate, mainaig ti maipagarup a korapsion ken dagiti proyekto a nangitunda ti perdisyon iti aglawlaw idiay Antique.
Karaman pay iti naireklamo dagiti dati ken agdama nga opisial ti Department of Public Works and Highways (DPWH) Region VI, DPWH Antique District Engineering Office, ken Department of Environment and Natural Resources–Environmental Management Bureau Region VI.
Segun iti Amlig Antique Alliance, dagiti proyekto a naipatungpal manipud 2019 agingga 2025 ket maipagarup a naglabsing iti environmental laws ken procurement rules.
