--Ads--
Walo pay a lugar iti pagilian ti posible a mangideklarar iti dengue outbreak iti baet ti ngumatngato a kaso kadagiti naglabas a lawas.
Saan pay nga innaganan ni DOH Spokesperson Assistant Secretary Albert Domingo dagiti lugar, ngem kunana a masarakan dagitoy iti Metro Manila, Central Luzon, ken Calabarzon.
Maipalagip nga indeklarar dagiti opisial ti Quezon City ti dengue outbreak gapu iti napaspas a panagpangato ti kaso ken ti pannakairekord ti sangapulo a natay ita a tawen gapu iti virus.
Manipud iti bilang dagiti natay ket walo dagiti menor de edad.
-- ADVERTISEMENT --
Iti intero a pagilian, nairekord ti 28,234 a kaso agingga idi Pebrero 1, uppat a pulo a porsiento ti ngimmatoanna manipud iti isu met laeng a panawen idi napan a tawen.
