Impaganetget ni Vice President Sara Duterte nga awan ti bileg ti impeachment proceeding kontra kenkuana kalpasan a simmungbat iti Articles of Impeachment.
Iti impasana a 51-pages a sungbat, impaganetget ni Duterte a ti impeachment proceeding ket “void, being attended by evident bad faith and manifest partiality”.
Maipalagip a karaman iti linaon ti Articles of Impeachment kontra ken ni Duterte ti mapapati a saan a husto a panagaramatna iti confidential funds, unexplained wealth, ken bribery ken korapsion iti Department of Education kalpasan ti panangidaulona kas secretary.
Kasta payen ti grave threats ken inciting to sedition kalpasan ti panangpangtana iti biag da Presidente Ferdinand Marcos Jr., First Lady Liza Marcos, ken dati a House Speaker Martin Romualdez.
