Simmangpet itay agsapa ni Vice President Sara Duterte idiay Quezon City Hall of Justice, maysa nga aldaw kalpasan a nairuar ti arrest warrant kontra kenkuana gapu iti tallo a bilang ti grave threat.
Segun ken ni Duterte, nakaawat isuna kadagiti pangta ken harassment manipud pay idi 2023 ket madanagan para iti kinatalgedda dagiti annakna, ta panagriknana ket papatayenda isuna.
Ti arrest warrant ket inruar ti Quezon City RTC Branch 98 kalpasan a makita ti korte ti probable cause tapno mausig ni Duterte.
Naituding met ti P120,000 a piansa iti kada bilang ti kaso.
Nagtaud ti kaso kadagiti imbaga ni Duterte a mapapati a nangbayaden iti maysa a tao a mangpatay kada President Ferdinand Marcos Jr., First Lady Liza Araneta Marcos, ken dati a House Speaker Martin Romualdez no bilang matuloy ti planoda kenkuana.
Kabayatanna, kinuna ti abogadona a saan a libasan ni Duterte ti linteg ken sangwenna dagiti kaso kabayatan a maar-aramat amin a legal a remedyo a mabalin kenkuana.
