Inallukoy ni Vice Pres. Sara Duterte ti prosecutor ken miembro ti Kongreso a paneknekan ti alegasyon kontra kenkuana babaen ti panangidatagda ti ebidensiya, saan a basar laeng ti panang-insulto, espekulasyon, wenno political theatrics.
Basar iti statement ni VP Sara a nairuar ita nga aldaw Agosto 26, kinuna ti bise presidente a naipila ti dua nga impeachment complaints kontra kenkuana nga awan ti umdas nga ebidensia.
Kinunana, dagiti mangitantandudo iti impeachment ket kasapulan nga agbiruk nga umuna iti ebidensia bayat nga agtultuloy ti trial.
Impaganetget pay ti bise presidente a ti panangawag kenkuana a “mastermind of a scam,” kasta met dagiti dadduma pay a mangpabasol a sarita, ket saan a makatulong a mangpaneknek iti aniaman a kaso wenno maibilang nga ebidensia. Kleofe Jyna Dayag
