Binigbig ni Vice President Sara Duterte dagiti kontribusion dagiti Pilipino idiay United Kingdom kagiddan ti panagbisitana iti Filipino community idiay London.
Inallukoyna dagtiti Pilipino nga agtitinnulong ken agbalin a natured ken manangisakit tapno saanen a kasapulan ti panagtrabaho iti sabali a pagilian para kadagiti sumaruno a henerasion.
Segun ken ni VP Sara, saan a nasken nga agbalin nga arapaap dagiti Pilipino ti mapan iti ballasiw-taaw ta nasken a ti bukod a pagilian ti mangipaay iti naan-anay nga oportunidad.
Kagiddan dayta ket binabalaw pay ti bise presidente ti korapsion iti pagilian.
Adda iti overseas trip ti bise presidente manipud Hulyo 16 agingga 31, ket karaman kadagiti naituding a papananna ti Qatar, United Kingdom, ken Netherlands.
