Impalagip ni Vice President Sara Duterte ken ni President Ferdinand Marcos Jr. a ti trabahona ket pasayaaten ti panagbiag dagiti Pilipino ket saan a makipicture laeng.
Dayta iti kinuna ni Duterte kalpasan a nadadael ti P9,484,134,038.62 a gatad ti droga iti Clean Leaf International Corporation idiay Tarlac.
Segun ken ni Duterte, saan a trabaho ti presidente nga agpicture kadagiti naala a droga wenno maaddaan ti photo ops bayat ti pannakadadael dagiti nakumpiskar a droga.
Innayonna a saan a gapu ta nasayaat a kitaen iti papel wenno picture ket nasayaaten ti nasao nga addang ta nasaysayaat a siguradoen a sumaysayaat iti biag dagiti Pilipino.
Kinunana pay a maibaga laeng a balligi iti bloodless drug war iti administrasyon ni Marcos nu makita iti resulta apaman a malpas iti terminona.
