Kalpasan ti mano a daras a panangisnab-da, dimmar-ay iti panagdengngeg ti House Tri Committee dagiti dadduma a naimbitaran nga online vloggers mainaig iti naisayangkat a House inquiry iti fake news ken disinformation.
Karaman kadagiti dimmar-ay a vlogger da dati a PCO Secretary Trixie Cruz-Angeles, Elizabeth Joie Cruz, MJ Quiambao-Reyes, Krizette Laureta Chu, Dr. Richard Mata, Dr. Ethel Pineda Garcia, Mark Anthony Lopez ken Aeron Peña.
Maipalagip nga immunan a nagpangta ti TriComm a ma-contempt ken maipabalud dagiti vlogger a saan pay a nakadar-ay iti panagdengngeg.
Ti tri-committee ket pakairamanan ti House Committee on public order and safety, committee public information ken committee on information and communication technology.
Gagem ti imbestigasyon a mabukel ti regulatory framework para iti social media tapno maliklikan ti intensyonal a pannakaiwaras ti fake news ken madusa dagiti aglabsing.
