Naipasidong iti yellow alert ti Visayas ken Mindanao grids gapu iti nangato a demand iti kuryente ken kinakurang ti available a suplay ti sumagmamano a power plant.
Segun iti National Grid Corporation of the Philippines (NGCP), epektibo ti yellow alert idiay Visayas manipoud alas-3 ti malem agingga alas-8 ti rabii.
Nairekord ti available capacity iti 2,556 megawatts (MW), kabayatan a manamnama met nga umabot iti 2,423 MW ti peak demand.
Pinasingkedan ti NGCP a 35 a power plants ti saan nga aggargaraw wenno limitado ti operasion, rason tapno maawanan ti 893.8 MW a suplay iti grid.
Kabayatanna, naipasidong iti yellow alert ti Mindanao grid manipud alas-12 ti aldaw agingga alas-3 ti malem.
Segun iti NGCP, adda available capacity a 2,731 MW idinto ti peak demand ket manamnama nga umabot iti 2,611 MW.
