VIGAN CITY – Naisayangkat ti Vigan Longganisa Cookfest 2024 iti sangwanan ti Vigan City Hall kas paset iti panangrambak ti Vigan Longanisa Festival.
Ti aktibidad ket nakisalian dagiti Junior and Senior High School students, dagiti college student, ken dagiti Hotel and Restaurant Managament student.
Kada team ket buklen iti tallo a miembro nga agtitinnulong a mangisagana kadagiti ramen iti masapul nga aramidenda nga appetizer, main dish, soup ken dessert.
Naituding ti alas otso a panangrugi iti panagluto ket masapulda a malpas agingga alas onse iti bigat.
Iti kategorya dagiti Junior and Senior High School, PHP10K ti maited a premyo para iti 1st prize, PHP8K para iti 2nd prize, ken PHP7K para iti 3rd prize.
Iti met kategorya ti college ken dagiti HRM students, PHP15K ti maited a premyo para iti 1st prize, PHP13K para iti 2nd prize, ken PHP10K para iti 3rd prize.
Lima ribo a pisos met ti maited a consolation prize para kadagiti saan a mapagasatan.
