VIGAN CITY – Impakammu ti opisina ni Vigan City Mayor Jose “Bonito” Singson Jr a nagpositibo ti COVID19 virus ken nakarikna iti sintomas iti nasao a virus.
Nagpositibo idi kalman ni Mayor Singson nga ita ket naka isolate ken manarimaan iti pannakatamingna.
Basar ti Facebook Page ni Mayor Bonito, agtultuloy ti operasyon amin nga ahensya iti City Government a mangited ti serbisyo kadagiti umili nga agnaed iti siudad ti Vigan.
Nagpalagip ti opisyal kadagiti tattao nga agtalinaed a suroten dagiti naiyetnag a health protocols tapno maliklikan a makaptan ti COVID19.
Amin a nakapulapol ti opisyal iti napalabas a tallo nga aldaw ket masapol a dumalan ti testing ken obserbaranda no makariknada ti sintomas ket insigida nga ipakammuda ti City Health Office.
