--Ads--
Pinasingkedan ni Engr. Cesar Asperilla ti Vigan City Engineering Office a ti spotlight nga adda ti maysa a poste ti nagshort circuit idiay carnaval grounds nga isu ti nakakorientean ti agtawen ti lima nga ubing idi rabii ti January 20.
Agsipud iti dayta, nangikabil dan ti insulator kadagiti waya iti kuryente tapnu saan a maidekket iti poste.
Malaksid iti dayta, adda pay ti naipalikmot a tolda tapno nataltalged dagiti mapan ag-carnaval ket saan da a masagid ti poste a nakakuryentean ti biktima idi rabii ti Lunes.
Linikmot da Asperilla iti nasao a lugar tapno siguradwenda a natalged dagiti mapan agcarnaval ken tapno awanen iti mapasamak pay nga aksidente kas ti pannakakoriente ti maysa nga ubing.
-- ADVERTISEMENT --
