VIGAN CITY – Maysa a Vietnamese a babai ti kellaat a nagna a lamulamo iti departure area ti Ninoy Aquino International Airport Terminal.
Basar kadagiti airport personnel, agbiahe koma idiay Ho Chi Minh City ti Vietnamese, ngem na-offload gapu ta makapaspasar ti psychological disorder, isu a saan a pinalubosan ti immigration officer nga agbiahe.
Dagus nga inasistaran dagiti empleado ti airport ti babai a mangabbong iti bagina ken inikkanda iti danum, ken inluganda iti wheelchair.
Segun ken ni Manila International Airport Authority (MIAA) Assistant General Manager for Security and Emergency Services Manuel Sequitin, ti gangannaet ket agtawen iti tallopulo ket uppat a nairita gapu ta saanna nga ammo iti makipatang ti Tagalog ken saanna nga ammo iti agpatang ti English isu a kinapatangda isuna babaen ti Google Translate.
Idi simmayaat ti kasasaadna, napalubosan met laeng a nagawid iti pagilianna idiay Vietnam.
