Impasan ti kampo ti bilyonaryo a ni Charlie Atong Ang iti Department of Justice ti mapapati a kapigsaan nga ebidensia kontra ken ni Julie ‘Dondon’ Patidongan, ti whistleblower a nangitudo kenkuana kas mastermind iti kaso dagiti mapukpukaw a sabungero.
Segun iti abogado ni Ang a ni Atty. Gabriel Villareal, daytoy ti video nga imet ni Patindongan ti maysa kadagiti mapukpukaw a sabungero a nakaposas pay laeng.
Naikabil daytoy iti USB nga impresenta ti Philippine National Police -Criminal Investigation and Detection Group.
Nagkiddaw ni Ang iti DOJ nga ipaiman iti CIDG ti imbestigasion ti kasona tapno agbalin a patas ken naurnos ti pannakaimbestigarna.
Mapapati a saan a kayat ni Ang nga insigida a ma-dismiss ti kaso iti kiddawna gapu ta kayatna met nga adda panagdudua no asino a pudno ti adda iti likudan dagiti mapukpukaw a sabungero.
