Ikonsiderar ni Vice President Sara Duterte ti presidential bid inton 2028, gapu ta saanna kayat a makita ti agtultuloy a panagrigat ti pagilian.
Ti statement ti Bise Presidente ket nagbaliw manipud iti umun-una a sinaona mainaig ti planona ti politika.
Bayat ti maudi a public engagement na idi napan a tawen, inyunay-unay na nga agdesiyon inton 2026 no agkandidato ti kinapresidente inton 2028.
Kabayatanna, nagyaman ni Duterte iti Iglesia ni Cristo (INC) iti kallabes a ralida a mangsupsuporta iti panawagan ni Presidente Marcos a mangpasardeng iti impeachment proceedings-na.
Inladawanna ti rally kas nabileg a panangipakita iti panagkaykaysa ken pammati.
Adu a reklamo ti impeachment ti naipila kontra kenkuana, gapu iti maipagarup a saan nga usto a panagusar ti pondo ken dadduma pay a kaso.
Binigbig na met dagiti karit iti House of Representatives, ngem kinuna a natalek ti kabaelanna a mangidepensa iti bagina.
