--Ads--
Mapapati a nakita ni Vice President Sara Duterte ken ti pamilyana a nagbiahe a mapan iti pagilian ti Germany.
Nakita ti bise presidente idiay Ninoy Aquino International Airport Terminal 3 kadwana ti asawana, dagiti annakda kasta pay ti ina’na a ni Elizabeth Zimmerman iti baet nga ado a Pilipino ti nakaro a naapektaran gapo iti layos nga epekto ti habagat ken Bagyo Carina.
Pimmanaw ti eroplano a naglugananda itay 1:50 iti agsapa ita nga aldaw, ken manamnama nga agdisso idiay Dubai para iti connecting flight a mapan Munich, Germany.
Awan pay ti komento ken kumpirmasyon ti Office of the Vice President inaig iti mapapati nga ipapanaw ti bise presidente iti pagilian
-- ADVERTISEMENT --
