VIGAN CITY – Dead on arrival iti ospital ti maysa a lalaki a nagmaneho iti motorsiklo ta kinadinnungparna ti maysa a van idiay Brgy. Baliw Laud, Sta. Maria idi rabii.
Iti pannaki-uman ti Bombo Radyo Vigan ken ni PLt. Joel Dasargo, OIC iti Sta Maria Police Station, nabigbig ti nagmaneho iti motorsiklo a ni Micheal Anastacio Daño, agtawen ti duapulo ket dua, baro, construction worker nga agnaed idiay Brgy. Nalvo, Sta. Maria idinto a ti nagmaneho iti van ket ni Joey Raganit Valdez, agtawen ti duapulo ket dua, baro, driver nga agnaed iti Brgy. Cubcubboot, Candon City.
Segun ken ni Dasargo, agpapa-amianan a direksyon ni Daño iti national highway iti nasao a lugar idinto nga agpapaabagatan ni Valdez idi immagaw iti linya ni Daño a gappuanan iti aksidente.
Gapu iti dayta ket nadundunor ni Valdez ngem saan a naan-anu ti kaduana idinto a ni Daño ket naipan iti Ilocos Sur Distric Hospital, Paratong, Narvacan ngem naideklarar a dead on arrival.
