Nakastreken iti gold medal match ti USA men’s basketball team iti Paris Olympics kalpasan nga inabakda ti Serbia iti iskor a 95-91.
Nagbalin dakkel a karit iti USA ti laban ta damo pay laeng ket lamangen ti Serbia.
Immabot iti 17 pts ti lamang ti Serbia ken iti maudi a minute ti last quarter ket pinilit ti Olympics gold defending champion a USA a kumamakam.
Nakairekord ni Golden State Warriors star Stephen Curry iti 36 pts ken 8 rebounds idinto a ni Joel Embiid ket 19 pts, 8 rebounds, ken ni Lebron James ket 16 pts, 12 rebounds ken 10 assists.
Iti panagleppas ti first half ket iggem pay laeng ti Serbia ti 11 pts a lamang babaen ken ni Aleksa Avramovic a nakairekord iti 15 pts ken ni Bogdan Bogdanovic nga adda 12 pts na idinto a ni Nikola Jokic ket 9 pts ken 7 assists.
Iti met last quarter ket dimmipensa ti USA ket adda 7-0 run ni Joel Embiid ken naka 3 pts shot ni Curry.
Makasango ti five-time Olympic gold medallist a USA Team ti France idinto a ti Serbia ket makalabanna ti Germany para iti bronze medal game.
