Impasan ti United States (US) ti funding bill tapno pagpatenggaen ti government shutdown iti uneg ti sumagmamano nga aldaw.
Nagbotos dagiti walo a Democrats ken dagiti Republican tapno pagpatenggaenen ti pannakaserra ti gobierno.
Iti maudi a bersion ti gakat, paatiddogenna ti pondo ti gobierno agingga inton Enero 2026, pakairamanan pay ti tallo a tawen a funding bills para kadagiti nadumaduma a federal nga ahensia ken programa ken ti pannakaisubli dagiti pederal a trabahador a naikkat iti trabaho bayat ti panagserra.
Kasukat met ti pananganamong dagiti walo a Democrats, pinalubosan dagiti Republican nga agbotos iti baet ti Disyembre maipanggep iti panangiyatiddog pay ti health care tax credits.
Kasapulan pay ti approval ti nasao a gakat manipud iti US House of Representatives ken pirma ni US President Donald Trump sakbay a mapagpatengga ti government shutdown. Augie Arellano
