VIGAN CITY – Nakaituding ni US Secretary of State Anthony Blinken a bumisita idiay Egypt ken Israel kagiddan ti critical time iti Washington a gagem a manayunan ti pressure iti Hamas ken Israel tapno magun-od ti ceasefire idiay Gaza ken masigurado a saanen a madanon ti riri idiay Lebanon.
Iti walo a panagbisitana iti rehiyon manipod panagatake iti Hamas idiay Israel idi October 7 ket intuding ti US diplomat ti panagbiahena idiay Jordan ken Qatar ita a lawas.
Nakaituding ni Blinken a makitaripnong ken ni Egyptian President Adbel Fatah al-Sisi idiay Cairo sakbay ti panagbiahena idiay Israel tapno makitaripnong kada Prime Minister Benjamin Netanyahu ken Defense Minister Yoav Gallant.
Ti panagbisita ni Blinken ket kalpasan a pinasingkedan ni U.S. President Joe Biden idi May 31 ti three-phase ceasefire proposal manipod Israel a gagem a permanente a leppasen ti hostilities, ti pannakawaya-waya ti Israeli hostages ken Palestinian prisoners, ken ti reconstruction iti Gaza.
