Imimbestigaranen ti US Federal Bureau of Invesigation ti pannakadukot ti American vlogger Elliot Eastman a naireport nga innala dagiti uppat a lallaki a nagpayam-ammo a law enforcers idiay Zamboanga del Norte.
Segun ti FBI, saan a nakaawat iti aniaman a ransom iti pamilia ni Eastman nga adda idiay Amerika.
Agtultuloy latta iti pannakikammayet iti United States Embassy iti local authorities tapno masarakan ni Eastman ken monmonitorendan iti sitwasyon.
Innayonda nga awan ti sabali nga ipangruna ti Department of State nu saan a ti pagsayaatan ken kinatalged ti US Citizens abroad.
Maipalagip nga impakaammo ti Police Regional Office – 9 iti pannakadukot ni Eastmaniti pagtaengan ti nakaikamanganna idiay Sibuco, Zambonga del Norte idi alas onse iti rabii iti October 17 iti agdama a tawen.
