--Ads--
Agsagsaganan ti militar ti Amerika para iti posibilidad ti agtultuloy ken sumagmamano a lawas nga operasion kontra iti Iran no ibilin ni US President Donald Trump a rauten ti pagilian.
Segun kadagiti opisial a nagkedked a mainaganan gapu iti sensitibo a patangan, nalawlawa ken na-seryoso ti maipagarup a plano nga operasion kumpara kadagiti immuna a military retaliation ti US.
Naammuan a naikeddeng nga agtaripnong ti mangibagi ti Amerika a ni Steve Witkoff ken Jared Kushner kadagiti nangibagi ti Iran idiay Geneva tapno mapagpapatangan ti katulagan a para ti kappia.
Immunan a pinasingkedan ni US Secretary of State Marco Rubio a kaykayat ni Trump ti maysa a katulagan idiay Tehran ngem aminado a narigat daytoy a magun-od.
-- ADVERTISEMENT --
