Natay dagiti 28 nga indibidual iti pannakauram ti maysa a pabrika ti sapatos ti Huiteng Shoe Company iti siudad ti Jinjiang, Fujian Province iti laud a paset ti China.
Segun kadagiti pannakabagi ti linteg, 237 a mangmangged ken 2 a bisita ti adda iti uneg ti pasdek idi napasamak ti uram.
Umabot met iti 213 ti naisalakan idinto a 2 kadagiti natay ket dead on arrival iti ospital.
Imbilinen ni Chinese President Xi Jinping ti search and rescue operation, imbestigasion iti pasamak ken pannakadusa dagiti mapaneknekan a nagbasul.
Saan pay a mabigbig no ania ti rason ti uram, ngem kinemmegen dagiti otoridad ti akinkukua ti pabrika ken dadduma pay nga opisial ti kompania.
Mabigbigbig ti Jinjiang kas “shoe capital” ti China gapu iti kinaadu dagiti pabrika ti sapatos iti siudad.
