Uram iti bar idiay Thailand, 27 ti natay

Umabot iti 27 nga indibidual ti natay gapu iti napigsa a panagbettak a napasarunwan iti uram iti maysa a sikat a bar idiay Bangkok, Thailand.

63 ti nadunor, a ti 22 ket kritikal ti kasasaadna.

Segun kadagiti nakalasat, napaspas a napunno iti asok ti establisimiento kalpasan ti uram, isu a napan dagiti adu a tao iti likudan a paset ti pasdek nga awan ti fire exit-na.

Agtultuloy a maim-imbestigaran no ania ti rason ti pasamak.