VIGAN CITY- Uppat a tao ti nakemmeg iti naduma duma a lugar iti probinsia gapo iti nagduduma a kaso .
Immuna a nakemmeg ni Marlon PAgaduan a taga Brgy. Tamorong, Sta Catalina, agtawen ti tallopulo ket pito kalpasan a naiserbi ti warrant of arrest kenkuana gapo iti panaglabsing ti Presidential Decree 1602 a napetsaan idi Mayo katorse ti agdama a tawen ken narekomendaran ti tallopulo a ribo a pisos a pyansana.
Idiay met Brgy. San Nicolas, Candon ti nakemmegan ni Vannesa Areola Garnace, agtawen ti tallopulo ket dua, awanan asawa, meat vendor nga agdama nga agnanaed iti 25 De Marzo St. Brgy San Isidro, Candon City, Ilocos Sur.
Naiserbi kenkuana ti warrant of arrest gapo ti uppat a bilang ti panaglabsing ti 4&6 ti revised Penal Code Libel a napetsaan idi Mayo trese ti agdama a tawen ken narekomendaran pyansa nga aggatad ti 60,000 pesos.
nakemmeg met ni Jojo Palacpac idiay Camarao, Narvacan, agtawen ti uppat a pulo ket dua awanan trabaho a taga Barangay Camarao Narvacan gapo ti kaso a Malicious mischief a napetsaan idi April 18,2024 ken narekomendaran ti dua ribo a pisos a pyansana .
Naipan iti Narvacan Municipal Police station ti suspek para iti proper documentation .
Naiserbi met ti warrant of arrest idiay Brgy. Poblacion, Sto Domingo kontra kenni Cesar Tubon, agtawen ti innem a pulo ket maysa , negosyante a taga Brgy. Napo, Magsingal gapo ti kasona nga Estafa a napetsaan idi April 30,2019 ken narekomendaran ti 18,000 pesos a gatad ti pyansana . Addan iti Sto Domingo Police station ti suspek para iti documentation sakbay a maipaima iti korte
