--Ads--
Uppat iti kada sangapulo a Pilipino ti mamati a sumayaat ti biagda iti sumaruno a sangapulo ket dua a bulan, basar iti survey ti Social Weather Stations.
Maibasar iti panagadal idi March 21 agingga 25, 2024, 44 percent kadagiti Pilipino ti nagkuna a posible a sumayaat ti kalidad ti panagbiagda iti sumaruno a maysa a tawen.
44 percent ti nangibaga nga awan ti agbaliw iti panagbiagda; 7 percent ti mamati a kumaro ti sitwasyon ti biagda kadagiti sumarsaruno a bulan; idinto a 6 percent ti saan a simmungbat iti survey.
Nairekord ti positive 37 a net personal optimism score nga ibilbilang ti SWS kas very high, ngem kababaan a net optimism score a nairekord iti salinong ti Marcos administration.
-- ADVERTISEMENT --
