Nadunor iti nadumaduma a paset ti bagi dagiti uppat a tattao iti pannakatinnag ti maysa a pampasahero a jeep iti derraas idiay Barangay San Miliano, San Emilio, Ilocos Sur idi alas onse singkwentay singko iti rabii, February 14, 2025.
Ti nagmaneho stainless ken green passenger jeepney ket ni Roy Dallay-on Bentor, agtawen iti uppat a pulo ket innem; kaduana ti live-in partner-na a ni Kiana Dollente Agnawa, agtawen iti uppat a pulo; ken annakda a dua a menor de edad nga agpapada nga agnaed idiay Barangay Alfonso, Gregorio del Pilar.
Iti pannaki-uman ti Bombo Radyo Vigan ken ni Patrolman John Ryan Valdez manipod iti San Emilio Municipal Police Station, agpapabagatan a direksyon ti dyip iti provincial road idiay Barangay San Miliano idin naawanan ti kontrol iti manibelana isu a naitapwak iti lugan iti derraas a 30 meters manipod kalsada.
Segun ken ni Valdez, gapu ta nabuntog iti pataray ti dyip ket nakatapwak dagiti pasahero sakbay ti pannakatinnag iti dyip ti derraas isu saan unay a nakaru ti sinagaba a dunor ti driver ken dagiti ubbing idinto a nagsakit ti bukot, takyag ken ulo ni Agnawa isu a naipanda amin iti Candon General Hospital babaen kadagiti nagresponde a pannakabagi ti linteg para ti pannakatamingda.
Naduktalan a manarimaan a masimsimpa iti maysa a lane iti kalsada isu a posible a na-miscalculate ti driver ti panagmanehona ken naammoan a naka-inom ti arak iti driver idi napasamak ti aksidente.
VIDEO – PATROLMAN JOHN RYAN VALDEZ
