VIGAN CITY – Naipaagas idiay ospital dagiti biktima iti aksidente idiay Brgy. Al-Aludig, Santiago para iti naan-anay a pannakatamingda.
Nabigbig iti nagmaneho ti naaksidente a Toyota Fortuner a ni Eduardo Gaburno, agtawen ti innem a pulo ket walo ken retirado a US army.
Kadua ni Gaburno dagiti pada na a senior citizen a da Clarita Agbulos, agtawen ti innem a pulo ket siam; Antonio Agbulos, agtawen ti pito pulo, agpada nga agnaed idiay Brgy. Imus kenni Julia Tadena, agtawen ti innem a pulo ket walo nga agnaed idiay Brgy. Al-aludig, Santiago.
Segun ken ni Police Lt. Rodel Ragasa ti Santiago municipal police station, naggapu dagiti biktima iti reunion ket agpapa-abagatan a direksyon da idi makadanun da iti agsikko a paset iti kalsada ket saan a nakontrol ni Gaburno iti manibela iti lugan isu a natnag da manipud iti nangato a paset iti kalsada nga aguneg ti lima kadapan.
