VIGAN CITY – Nadundunor dagiti uppat a lalaki gapu iti aksidente a napasamak idiay Brgy. Margaay, Cabugao idi kalman.
Maibasar iti imbestigasyon, ti nangisit a Yamaha Sniper ket minaneho ni Albert Icat, agtawen ti duapulo ket pito, baro ken inluganna ni Christian Morales, agtawen ti duapulo ket walo, baro nga agpada nga agnaed idiay Brgy. Katipunan, Sinait idinto a ti nagmaneho ti nalabbaga a Honta TMX nga adda side car-na ket nabigbig a ni Jomar Satumba Apilado, agtawen ti duapulo ket uppat, baro kaduana ti inluganna a ni Laurence Pitas, agtawen ti tallopulo ket lima, naasawaan, Brgy. kagawad ken agpada nga agnaed idiay Brgy. Pila, Cabugao.
Agpada nga agpapaabagatan a direksyon dagiti dua a lugan idi aksidente a nadungpar ti Yamaha motorcycle iti adda ti sanguananna a Kurong-Kurong a rason iti nakadundunoranda isu a naipanda iti Suero General Hospital.
Kabayatanna, mapapati a dagiti nagmaneho ket nakainon iti nasanger.
