VIGAN CITY – Nangiparuaren ni Governor Ryan Singson iti Executive Order a nakaipalaunan iti updated a travel protocols ita a naisakup ti probinsia iti Modified General Community Quarantine ken kagiddan ti panangiyetnag ti Inter Agency Tsk Force iti unified travel protocols.
Amin a biahero a mapan ditoy probinsia kas koma iti Government APOR ket masapul nga imetda ti ID da, original travel authority manipud Department Secretary wenno ti designated official na.
Dagiti Non-Government APOR ket masapulda ti ID, Travel order, Travel Itinerary ken negative result ti RT PCRtest idinto a dagiti LSI ken RR ket ID ken neagtive RT PCR test result ti masapul.
Kadagiti met passerby ket masapul ti ID ken delivery receipt dagiti kargada.
Dagiti turista ket masapul ti ID, negative RT PCR test result, DOT Accredited Travel Agent booking confirmation ken Safepass QR code.
Kabayatanna, ID, negative RT PCR test result a valid iti makabulan ken antigen test a valid iti dua a lawas ti masapul dagiti frequent border crossers idinto a dagiti cargo drivers ken helpers ken ID met laeng ken delivery receipt ti kargada.
Sakbay a makastrekda iti probinsia ket masapul a pimmasada iti symptom screening ti border no nakasangpetdan.
Awanen ti quarantine requirement kadagiti umay ditoy probinsia malaksid laeng no adda sintomasda iti Covid ta masapuldanto latta a dumalan iti health screening kadagiti LGUs a napananda.
