CAFGU Active Auxiliary Dandy Wacguisan ng Lingey, Bucloc, Abra 
CAA Gordon Gallao ng Sitio Callaban, Brgy. Bazar, Sallapadan, Abra
VIGAN CITY – Panangriribok laeng, dayta man ti inbaga ni Maj. Amado Gutierrez, Chief ti Public Information Office ti 7th Infantry Division iti napasamak nga engkuwentro iti mismo a detachment area ti CAFGU nga aramid dagiti miyembro ti New People’s Army idiay Sitio Mong-ol, Barangay Maguyepyep, Sallapadan, Abra idi alas-8:10 iti agsapa idi August 15, a nagpaot ti tallo pulo a minutos a nakatayan dagiti dua a myembro ti CAFGU.
Ti pannaki numan ti Bombo Radyo Vigan, kinuna ni Guttierez nga ammo dagiti NPA nga August 16 ti selebrasyon ti 24th infantry Batallion iti anibersaryo da ket kayat da laeng iti mangriribok tapnu saan da a makapagrambak ta adun dagiti nagballigian ti nasao a grupo nga engkuwentro iti naduma-duma a paset ti Abra.
Posible nga idi pay laeng rabii ti August 14 wennu parbangon ti August 15 ket nakaasidegen dagiti NPA iti detachment area isu a nakaala da iti napintas a gundaway a rumaut ket pinaputukan da dagiti dua a miyembro ti CAFGU nga agtugtugaw iti open area iti detachment.
Kabayatanna, awan pay iti report nu adda iti nadunor wennu natay kadagiti myembro ti NPA a rimmaut.
Ti agdama, nakaalerto dagiti militar iti nasao a lugar ken wanwanawanan dan dagiti posible a pagkamangan wennu paglemmengan dagiti NPA.
