VIGAN CITY – Naikalin iti agruprupsa a bangkay ti maysa a lalaki a nasarakan a nakabitin iti poon ti Bugnay tree idiay Mt. Kintung-og, Barangay Baringcucurong, Suyo idi alas dose y media iti malem idi kalman, February 23 babaen iti naiputipot iti tengnged na nga amarilyo a nylon cord.
Segun ken ni Police Staff Sergeant Joseph Gallebo ti Suyo municipal police station, ti biktima ket ni Reynaldo Aluad nga agtawen ti lima pulo a naireport a mapukpukaw idi February 6 iti agdama a tawen.
Ti biktima ket positibo a binigbig ti kabsat na a ni Dante Aluad nga agtawen ti uppat a pulo ket siyam, naasawaan, maysa a mannalon babaen ti dental structure ti biktima pakairamanan ti kanakan na a ni Webster Gao-ay nga agtawen ti dua pulo ket siyam babaen ti inpabulod na a sweatshirt kenni Mishel Gamilde nga agtawen ti dua pulo ket lima babaen ti tsinelas ti biktima.
Ti pannakaikali nga insigida iti bangkay ti biktima ket inbalakad dagiti kameng ti Scene of the Crime Operatives ken PNP- Crime Laboratory agsipud ta saanen a mabalin pay a maimasayag a nabayag ta agruprupsan.
