Natalgeden ti kasasaad dagiti nagkalubbon iti motorsiklo a naidungpar iti pader nga alad iti bypass road ti Barangay Bagani Campo, Candon City.
Dagiti nagkalubbon ket dua a lalaki nga agpada a taga-Barangay Allangigan Segundo iti nasao a siudad.
Agpapa-abagatan ti motorsiklo idin ta idi madanonda ti sumang-at a paset ti kalsada ket saan a nakontrol ti drayber ti manibela ti lugan ket naidungparda iti pader nga alad iti igid ti kalsada.
Iti pannaki-uman ti Bombo Radyo Vigan ken ni PLT. Jovelyn Antalan iti Candon City Police Station, napan nakiinom dagiti dua iti gayyemda iti ili ti Santiago ket mapapati a ti kinabartek ken napaspas a patarayda ti rason ti aksidente.
Gapu iti impact ti aksidente ket nagsagaba iti fracture ti pingping ken panga ti drayber, nadunor ti ulo, tengged, bibig ken kannawan nga imana idinto a ti kinalubbonna ket nadunor ti kannawan a Ramay ken kannawan a tumengna.
Naipaagasda iti ospital ket naduktalan a nakainomda idi mapasamak ti aksidente.
