--Ads--
VIGAN CITY – Pinasingkedan ti Peruvian government nga awan ti natay iti napasamak a 7.2 magnitude a gingined.
Basar iti statement ti Peru Prime Minister Gustavo Adrianzen, rumrumuar iti preliminary reports nga awan ti natay ken nagaburan iti napigsa a gingined.
Nupay kasta, walo ti nadunor a ti lima kadakuada ket naipaagas iti ospital ken agtultuloy nga agpapalaing idinto a ti tallo a nabatbati ket nagsagrap iti minor injuries.
Agtultuloy met a nakatutok ti gobierno iti impact ti gingined iti imprastraktura ta adda dagiti pasdek ken kalsada a nagrengngat ken narpuog.
-- ADVERTISEMENT --
Maipalagip a dinayyeg iti magnitude 7.2 a gingined idi kalman ti Peru, ket nangiruar pay iti tsunami alert ti Pacific Tsunami Warning Center ngem naikkat met laeng.
