VIGAN CITY – Saanen a kasoan ti lalaki idiay Sitio Macacbe, Poblacion, Sugpon ti asawana a nangiduron kenkuana isu a natnag iti irigasyon ket nadunor.
Ti biktima ket ni Gil Dangle, agtawen ti uppat a pulo ket pito idinto a ti asawa na ket ni Milanda, agtawen ti dua pulo ket pito nga agnaed met laeng iti nasao a lugar.
Idi Marso dos, mapan kuma sukunen ni Milanda kadua na ti anak da ti asawa na a napan naki-inninum ket idi agawid dan, mapapati a saan da a nagkinnaawatan isu a nakapungtot ni Milanda ket naiduron na ti biktima isu a natnag iti irigasyon ket nadunor ti tengnged na.
Agsipud iti dayta, naitaray iti kaasitgan nga ospital ti biktima para iti pannakataming na ngem saan a nai-confine ta saan unay a nakaro iti dunor a sinagaba na ken saanen nga interesado a mangipila ti kaso kontra ti asawa na.
