Naduktalan a dati nga adda rekord ti lalaki a nagpanggep a nangserrek iti pagtaengan iti maysa nga abogado idiay Barangay San Antonio, Candon City.
Ti suspek ket agtawen iti sangapulo ket walo, agnaed idiay Barangay Bagar, Candon City idinto a ti biktima ket abogado nga agtawen iti tallopulo ket maysa nga agnaed idiay Barangay San Antonio iti nasao a siudad.
Iti pannaki-uman ti Bombo Radyo Vigan ken ni PLt. Jovelyn Antalan iti Candon City Police Station, datin nga adda aramid ti suspek a sumrek kadagiti pagtaengan ta naammoan nga adda parikotna iti kapanunotan isu a nakemmeg gapu iti panangserrekna iti pagtaengan ti abogado ket ita, nai-turn over-en kadagiti kameng ti Department of Social Welfare and Development (DSWD) tapno dumalan iti husto a proseso.
Maipalagip a bayat ti panagdigos ti biktima ket napansinna nga adda iti sabali a tao iti arubayanda isu a rimmuar ket napanna kinita a gappuanan ti pannakakitana ti suspek a sumsumrek iti pagtaenganna babaen ti panagdalanna iti tawa ngem idi nakita isuna ti suspek ket kellaat a timmaray wenno naglibas ngem nagpaarayat ti biktima a rason iti pannakakemmegna.
