VIGAN CITY – Sapsapulen dagiti kameng ti 81ST Infantry Battalion dagiti dua a nakalibas a mapapati a kameng ti New People’s Army a kadua dagiti tallo a napapatay iti engkuwentro idiay Barangay Namatican, Sta. Lucia idi rabii ti February 13.
Nabigbig dagiti natay a miyembro ti NPA a da Ka Ka Goyo, secretary ti Kilusang Larangang Gerilya – South Ilocos Sur; Unor, deputy secretary kenni Finela Cavero alyas Ricky.
Segun ken ni Capt. Rogelio Dumbrique, nakaawatda ti tawag manipud ti maysa a concerned citizen inaig iti panagtataripnong dagiti lima nga armado a tattao iti pagtaengan a banbantayan ni Juan Donato ket idi makadanun dagiti militar a nagresponde, mapapati a nadlaw ida dagiti miyembro ti NPA isu a nagpaputok da iti paltog ket bimmales dagiti militar ket nagpaut ti sangapulo a minutos iti nasao nga engkuwentro.
Kiniddaw manen ni Dumbrique a sumukon dagiti miyembro ti NPA nga aglemlemmeng kadagiti kabanbantayan ta sisasagana ti gobierno a tumulong kadakuada.
