VIGAN CITY- Kaso a murder ti sanguen dagiti dua a suspek a lallaki a nangitapuak ti biktima nga adda parikutna iti panagpampanunotna iti rangtay idiay Barangay San Antonio, Narvacan, Ilocos Sur.
Nabigbig dagiti suspek a da Wendell Angala Saldua, agtawen iti tallopulo ket pito ken ni Feliciano Bisquera Paculdar, agtawen iti uppat a pulo ket walo, agpada nga agnaed iti nasao a lugar.
Ti biktima ket 5’2 ti katayagna, nakuttong ken nakuttong ti pammagina, a taga-La Union.
Iti pannaki-uman ti Bombo Radyo Vigan kenni Police Major Christopher Ramat, Officer in charge ti Narvacan Municipal Police Station, basar iti panagimbestigarda, lumablabas ti biktima iti barangay-da a mapan agdawat ti makan.
Segun kenni Police Major Rama, pannakabartek iti rason dagiti suspek no apay a naaramidda iti krimen.
Sakbay ti panangiptapuak dagiti suspek ti biktima, naka-stand-by pay laeng daytoy iti igid ti kalsada, ngem intaboy dagiti suspek a mapan idiay rangtay, ket idi makadanunda iti tengga ti rangtay, kellaat a binagkatda ti biktima nga intapuak.
Kabayatanna, nagkiddawda ti autopsy ti biktima gapu iti dunor ti makinkannawan a mata na.
Iti agdama, makikamkammayet pay laeng ti Narvacan Municipal Police Station iti Police Provincial Office para iti pakabigbigan ti biktima.
