Awan ti foul play iti pannakatay ti maysa a balasang a taga-Sto. Domingo, Ilocos Sur a mapapati a nagbekkel.
Iti pannaki-uman ti Bombo Radyo Vigan ken ni PLt. Roger Retreta manipod Sto. Domingo Municipal Police Station, saan a simmurot ti biktima kadagiti timmakder a nagannakna idi napanda nakimisa idiay Sinait idi kalman iti agsapa ngem iti isasangpet dagiti agasawa ket isu metten ti pannakadamagda a nagbekkel ti biktima.
Segun ken ni Retreta, maysa a kalugaranda iti nakakita a nakabitinen ti biktima nga awanen ti biagna iti sanga ti kayo ti mangnga iti pagtartaraknanda iti baboy.
Naammoan nga uray inawis dagiti agasawa ti biktima a sumurot a makimisa ket saan a napan isu a nakigtotda iti panagbekkelna ta awan pulos iti maibagbagana a parikotna.
Ti biktima ket mapapati a tubo idiay Apayao nga inampon dagiti agasawa idi agtawen pay laeng iti siam ta mapapati nga awan idi ti kameng ti pamiliana idi nakitada isu nga inyawiddan ditoy probinsia.
Saludsod kadagiti nagserbi a nagannakna iti rason ti nanggibusan ti biagna ta awan met iti maibagbagana na aniaman a parikotna ta isuda laeng a tallo iti agkakabbalay.
