Pinasingkedan ti International Health Regulation National Focal Point ti Amerika iti World Health Organization ti agtultuloy nga ingangato ti measles outbreak iti pagilian, a maibilang a saan a gagfangay gapu iti dakkel nga epektona iti salun-at ti publiko.
Manipud Enero 1 agingga Marso 20, 2025, 378 a kaso ti measles ti nairekord agraman ti dua a natay iti umuna a gundaway iti uneg ti maysa a dekada.
Kaaduan kadagiti kaso ket dagiti ubbing a saan a nabakunaan wenno dagiti saanda a sigurado ti status ti bakunana.
Nairekord pay dagiti related cases idiay Mexico idintoa ti Centers for Disease Control and Prevention ken dadduma pay nga ahensia ket agtintinnulong tapno makontrol ti outbreak.
Naparmeken ti measles idiay Amerika idi 2000 ngem nagtalinaed a parikut dagiti imported a kaso, isu a makitintinnulong ti WHO kadagiti pagilian iti Region of the Americas tapno maliklikan ti panagwaras manen ti nasao a sakit.
