Dakkel ti posibilidad a maisaruno a madengngeg ti Article 2 wenno unexplained wealth ken panaglabsing iti Statement of Assets, Liabilities and Net worth (SALN) kontra ken ni Vice President Sara Duterte.
Daytoy ti impakaammo ni prosecutor ken Manila Rep. Joel Chua no sadino saan na met nga inikkat ti posibilidad a saan a matratar a dagus ti Article 3 wenno bribery wenno maipagarup a panagpasuksok ni Duterte kadagiti opisial ti Department of Education (DepEd).
Iti salinong ti Article 2, naakusaran ni VP Sara nga adda nakadulin a baknang na nga umabot iti P4.4 bilyon a saan a naideklarar iti SALN-na.
Mainaig daytoy iti report ti Anti-Money Laundering Council (AMLC) nga adda namonitor ti ahensia a panaggaraw ti kuwarta iti bank account ti bise presidente ken ti asawa na a ni Atty. Manases Mans Carpio.
