VIGAN CITY– ‘Generally peaceful’ ti umuna nga aldaw ti panagpilaan ti Certificate of Candidacy (COC) idi kalman ta awan ti saan a nasayaat a pasamak a nakaapektar iti kinatalinaay ken kinaurnos ti filing.
Ti ekslusibo a pannakiuman ti Bombo Radyo Vigan kenni Commission on Election Spokesman James Jimenes, kinunana a naur-urnos ti umuna a panagpilaan ti COC idi kalman no ikomperar kadagiti napalabas nga eleksyon ngem patien na a ti panagpilaan ti COC dagiti artista ti kadakkelan a karit kadakuada tapno mapagtalinaed a naurnos ken natalinaay ti filing.
Segun kenni Jimenez, saan a mailibak a napigsa ti guyod dagiti artista kadagiti tattao ,nangruna dagiti supporters da isu a ditoy a mapadas ti sistema nga inpatungpal ti komisyon iti panagipilaan ti COC.
Maibasar iti record ti comelec, 27 dagiti nagipila ti COC iti kina-senador ken 17 a party-list idiay central office ket kaadduan kadakuada ket dagiti ‘nuisance’ candidates nga inawagan ni Jimenez ti ‘colorful’ candidates.
Maipalagip a karaman kadagiti nasapa a nagpila ti COC ket ni senador koko Pimentel ken Freddie Aguilar idinto a ni senador Nancy Binay ket kiniddaw na dagiti kaalyado na ti UNA.
