Naisayangkat idi kalman, Hunyo 26 ti panagtultuloy ti panagdenggeg kadagiti kaso a kriminal kontra iti pugante a ni Charlie Atong Ang ken dadduma pay nga akusado iti pannakapukaw dagiti adu a mannadi.
Daytoy ti umuna a gundaway iti pannakaisayangkat ti panagdenggeg ti korte idiay Quezon City idi naiyakar manipud iti Regional Trial Courts (RTC) idiay Sta. Cruz ken San Pablo City, Laguna ken manipud iti Lipa City, Batangas.
Dagiti kaso nga ig-iggaman ti Quezon City RTC ket kidnapping with homicide ken kidnapping and serious illegal detention.
Simmango iti panagdenggeg dagiti dua a complainant a da Diane Loyola ken Teresa Japag, a kadkadua dagiti mapukpukaw a mannadi.
Saan met nga immatendar dagiti sangapulo ket pito pay a complainant a nangipila dagiti kaso iti korte idiay Sta. Cruz, Laguna.
